Bu gün 9 aya yaxındır əsassız ittihamlarla həbsdə saxlanılan “AbzasMedia”nın direktoru Ülvi Həsənlinin 37 yaşı tamam olur.

O, “Abzas Media”nın digər 5 əməkdaşı ilə birlikdə ölkə başçısı İlham Əliyevin ailə üzvləri və yüksək çinli məmurlar haqqında dərc etdiyi korrupsiya araşdırmalarına görə həbs edilib. Məhkəmə prokurorluğun ittihamlarını təsdiq etsə, onu 5 ildən 8 ilədək həbs cəzası gözləyir. Bununla belə, həbs edilməsi Ülvi Həsənlini susdura bilməyib.

O, indi də saxlanıldığı təcridxanada məhbuslara verilən işgəncə faktlarını ictimailəşdirməkdə davam edir.