“Buradan keçməyə yarım metr ara qoymayıblar. Gərək yanakı keçim. Bəs anam necə keçəcək?”

“Kubinka” sakini Cavid İsmayılov hər gün evinə çatmaq üçün uzun, keşməkeşli yollar qət etməli olur. Səbəb isə evinin yaxınlığında aparılan tikinti işləridir. Paytaxtın "Kubinka" kimi tanınan ərazisinin Şamil Əzizbəyov, Salatın Əsgərova, İlqar İsmayılov, Sübhi Salayev küçələrində söküntü işlərini RR Constructions şirkəti həyata keçirir.

Şirkətdən bildirilib ki, ərazidəki istismara yararsız evlərin yerində yeni “İmperial Residence” inşa olunacaq. Sübhi Salayev 19 küçəsində yaşayan Cavid İsmayılov deyir ki, şirkət söküntü işləri zamanı onun evinə gedən yolunu bağlayıb, yaşadığı mənzili isə xarabaya çevirib.