Araşdırmaçı jurnalist Hafiz Babalı 53 yaşını həbsxanada qeyd edir.
O, ötən il dekabrın 14-də “Abzas Media işi”nə görə saxlanılıb. Jurnalist bir qrup həmkarı ilə birlikdə qaçaqmalçılıqda ittiham olunub. Hafiz Babalı “Abzas Media”da dərc olunan korrupsiya araşdırmalarına görə həbs olunduğunu bildirib.
Jurnalist Azərbaycanda siyasi elitanin korrupsiya cinayətlərini araşdırıb. Onun ortaya çıxardığı araşdırmalar çirkli pulların yuyulması ilə bağlı hesabatlara salınıb. Buna görə onu dəfələrlə hədələyib ailəsi ilə təhdid ediblər. Hafiz Babalı araşdırmalarına görə “Azad media” mükafatına layiq görülüb.
