“Bu gün məndən olsa, o parlamentin üzərindən xətt çəkərəm, çıxıb gedər. Onlar mənasız yerə pul yeyirlər”. “Yoxdur deputat. Yazıq bizik. Sən, mən, o... Cavanlar.

Heç kim yalandan seçkiyə getmir. Qalaq-qalaq tullayırlar ora, deyirlər al. İşdir bu?” Növbədənkənar parlament seçkilərinə artıq sayılı günlər qalıb. Sentyabrın 1-nə təyin edilən seçkilərdə ümumilikdə 998 nəfərin namizədliyi qeydə alınıb.

Onların 306-sı siyasi partiyaları təmsil edir, 692-si isə öz təşəbbüsü ilə namizədliyini irəli sürüb. Hər seçkidə olduğu kimi bu dəfə də vətəndaşları maraqlandıran bir sual var: Seçiləcək deputatlar onların dərdinə dərman olacaqmı, yoxsa sadəcə susub oturmaqla kifayətlənəcəklər?