İspaniyada Nazirlər Şurası minimum əmək haqqının sentyabr ayından etibarən 950 avrodan 965 avroya qaldırılacağını açıqlayıb. Əmək Nazirliyi ilə milli həmkarlar ittifaqları arasındakı razılaşmadan sonra tətbiq olunan maaş artımından təxminən 1,5 milyon minimum əmək haqqı alan şəxs faydalanacaq. 1,6 faizlik artım əmək naziri Yolanda Diazın keçən ilin iyun ayında təklif etdiyi 50 avroluq artımdan daha aşağıdır. Bununla belə, hökumət mənbələri minimum əmək haqqının qarşıdakı iki il ərzində artmağa davam edəcəyini bildirir. Ölkədəki istehlak qiymətləri indeksi yaşayış minimumunun əvvəlki ilə nisbətən 3 faiz yüksək olduğunu göstərir. İspaniyadakı işçilər yarım gün və ya müvəqqəti bir işdə çalışdıqları təqdirdə, minimum əmək haqqından az qazanırlar. Bundan əlavə, bəzi sektorlar öz maaşlarını özləri təyin edirlər. Məsələn, tikinti sektorunda çalışan işçilərə ayda ən az 1.449 avro ödənilməlidir. Eyni zamanda, sahibkarlar dərnəyi bu artım səbəbindən sosial sığorta haqlarının 3-12 avroya yüksələcəyi barədə xəbərdarlıq edir. Bunun səbəbi minimum əmək haqqının işçilər üçün eyni zamanda sosial təminat töhfə bazasını təyin etməsidir.