Rusiyanın Kamçatka diyarında Kurilsk gölünün dibində, qəzaya uğrayan “Mi-8” helikopterinin yanında bir neçə turistin meyiti tapılıb.

Bu barədə Rusiya Fövqəladə Hallar Nazirliyi məlumat yayıb.

Qeyd olunub ki, xüsusi aparat vasitəsi ilə batan “Mi-8”in gövdəsi aşkar edilib. Helikopter sahildən təxminən 500 metr məsafədə, 110 metr dərinlikdə yerləşir.

“Helikopterin yaxınlığında itkin düşmüş bir neçə turistin cəsədi tapılıb. Onların sudan çıxarılması məsələsi üzərində iş aparılır”.

Rusiyanın Kamçatka diyarında Mi-8 helikopteri qəzaya uğrayıb. Məlumata görə, heyət üzvləri dumanlı hava şəraitində helikopteri endirmək istəyiblər. Lakin helikopter “Yelizovo” hava limanından 200 kilometr məsafədəki Kurilsk gölünə düşüb.