Avqustun 25-də axşam saatlarında bir qrup fəal Bakının mərkəzində qadınlara qarşı zorakılığı pisləyən stikerlər yapışdırıb. Plakatlarda “Qadın qətlləri siyasidir!”, “Qadına şiddətə susma!”, “İstanbul konvensiyasını qəbul et!” şüarları yazılıb. İctimai fəallar ölkədə son aylarda qadınlara qarşı zorakılığın və qadın qətllərinin artmasına, qadın hüquqlarının müdafiəsi istiqamətində zəruri tədbirlərin görülməməsinə, İstanbul konvensiyasının qəbul edilməməsinə etiraz etdiklərini bildiriblər.