Ukrayna polisi avqustun 3-də belaruslu fəal Vitaliy Şişovun Kiyevdəki evinin yaxınlığında ölü tapıldığını və şübhəli qətl ittihamı üzrə cinayət işi açıldığını bildirib.
Polis bütün ehtimalların, o cümlədən intihar adıyla ört-basdır edilən qətlin araşdırılacağını bəyan edib.
Şişov “Ukraynada Belarus Evi” adlı QHT-nin rəhbəri idi. Bu qurum Aleksandr Lukaşenko rejimindən qaçan belaruslulara kömək etməklə məşğuldur. Lukaşenko 2020-ci il avqust seçkisinin qalibi elan olunandan sonra kütləvi etirazları amansızlıqla yatırdıb.
“Dünən Kiyevdə itkin düşmüş belaruslu Vitaliy Şişov bu gün Kiyev parklarının birində, yaşayış yerinin yaxınlığında asılmış vəziyyətdə tapılıb”, – polisin bəyanatında deyilir.
Qərb Lukaşenkonu Belarus prezidenti kimi tanımayıb. Müxalifət seçkinin saxtalaşdırıldığını, lideri Svetlana Tixanovskayanın əsl qalib olduğunu bildirib. Tixanovskaya seçkidən sonra Litvaya sığınıb.