![SOCAR-ın dörd vitse-prezidenti vəzifəsindən azad edilib [sərəncam]](https://s3.eu-central-1.amazonaws.com/abzasmedia/media/featured_images/2022/07/02/socar-4-vitse-prezident-.jpg)
Prezident İlham Əliyev SOCAR-ın 4 vitse-prezidentini vəzifələrindən azad edən sərəncamlar imzalayıb.
Rəsmi məlumata görə, vəzifələrindən azad olunanlar SOCAR-ın emal üzrə vitse-prezidenti David Məmmədov, qurumun strateji inkişaf üzrə vitse-prezidenti Tofiq Qəhrəmanovdur.
Eyni zamanda, SOCAR-ın geologiya və geofizika məsələləri üzrə vitse-prezidenti Bəhram Hüseynov və vitse-prezident Mikayıl İsmayılov da vəzifələrindən azad ediliblər.
David Məmmədov və Mikayıl İsmayılov 2005-ci ildən, Tofiq Qəhrəmanov 2010-cu ildən, Bəhram Hüseynov isə 2016-cı ildən vəzifədə idi.
Onların indi işdən çıxarılma səbəbləri barədə açıqlama verilməyib.
