Rusiyada “An-26” markalı sərnişin təyyarəsi Kamçatka səmasında radarlardan itib. Bu barədə ölkənin Fövqəladə Hallar Nazirliyinin Regional İdarəsindən bildirilib. Təyyarə “Kamtask hava yollar”ı şirkətinə məxsusdur.
İlkin məlumata görə, “An-26”nın göyərtəsində biri uşaq olmaqla 22 sərnişin və 6 ekipaj üzvü var. Təyyarə Petropavlovsk-Kamçatka reysi ilə hərəkət edirmiş. Lakin ekipaj üzvləri təyin olunan vaxtda əlaqəyə girməyib.
Radarlardan itən sərnişin təyyarəsinin dənizə düşdüyü ehtimal olunur. Bunu TASS-a FHN-nin əməkdaşı bildirib. Laynerin axtarışına bir təyyarə və iki helikopter cəlb edilib.