CHP qrup sədr müavini olduğu dövrdən qalma məhkəmə prosesində hakim Məmləkət partiyasının sədri Məhərrəm İncənin seçmə və seçilmə haqqından məhrum edilməsini tələb edib. Sözçü qəzetindən Asuman Arancanın xəbərinə görə, 2013-cü ildə Ergenekon prosesini izləmək üçün Silivridəki məhkəməyə qatılan İncə dinləmə zamanı yaranan mübahisədə ona müdaxilə etməyə çalışan leytenantı itələyib. Bundan sonra İncə haqqında cinayət işi açılıb. 2016-cı ildə Konstitusiyaya edilən dəyişikliklə İncənin toxunulmazlığı ləğv edilib və o, məhkəməyə verilib. “Siyasi qadağa” tələbi İddianamədə Məhərrəm İncə barəsində “vəzifə borcunu yerinə yetirməyə mane olmaq” ittihamı ilə 3 il həbs cəzası tələb edilib. Silivridə baş tutan məhkəmənin iyulun 1-dəki son iclasında prokuror məsələ ilə bağlı fikirlərini açıqlayıb. Prokuror İncənin “dövlət məmurunun vəzifəsini yerinə yetirməsinə mane olmaq” ittihamı ilə cəzalandırılmasını və Türkiyə Cumhuriyyət Qanununun 53-cü maddəsi ilə “siyasi qadağa” tətbiq edilərək seçmə-seçilmə haqqından məhrum edilməsini istəyib. Vəkil Çiçək: Bu, tarixə qara bir ləkədir Prokurorun tələbinə münasibət bildirən İncənin vəkili Mustafa Kamal Çiçək quraşdırılmış məhkəməyə qatılan hakim heyətinin vəkillərlə bağlı qanunsuz əmrlər verdiyini və buna əsasən fiziki zorakılığın ortaya çıxdığını qeyd edib. Çiçək Ergenekona baxan məhkəmə heyətinin FETÖ məsələsinə görə qovulduğunu, leytenantın isə şikayətçi olmadığını vurğulayaraq “Tələb məhkəmə tərəfindən qəbul ediləcəyi təqdirdə, alınacaq qərar Türkiyə siyasi tarixinə qara ləkə kimi düşəcək” deyə bildirib.