2020-ci ildə Amerikada yüksək dozada narkotik vasitə qəbul edib ölənlərin sayı 30 faiz artaraq ən yuxarı həddə çatıb.
Bu barədə Amerikanın Xəstəliklərə Nəzarət Komitəsi məlumat yayıb. Hesabatda deyilir ki, 2020-ci ildə Amerikada 93 min nəfər yüksək doza narkotikdən həyatını itirib. 2019-cu ildə bu rəqəm 72 min 151 nəfər olub.
Ölümlərin əsas hissəsi metamfetamin və onun kimi psixotrop maddələrdən olub. Ancaq buna baxmayaraq, təbii otlardan və kokaindən də ölənlərin sayında artış var.
Amerikanın Milli Narkologiya İnstitutu bildirib ki, bu rəqəmlər indiyə qədər görünmüş ən yüksək rəqəmlərdir. Covid-19 pandemiyası ciddi sağlıq böhranı yarada bilib.