Türkiyənin koronavirus əleyhinə hazırladığı vaksinə “TURKOVAC” adı verilib. Türkiyə mətbuatı xəbər verir ki, peyvəndin adını Türkiyə prezidenti Rəcəb Tayyib Ərdoğan açıqlayıb. İyunun 22-də könüllülərə yerli vaksinin üçüncü fazasının ilk dozası vurulub. R.T.Ərdoğan mərasimə video-konfrans vasitəsilə qatılıb. “Üçüncü fazanın ilk tətbiqi ilə birlikdə Türkiyə artıq bu sahədə bir dönəmin qapılarını açır. Bir neçə həftə ərzində ölkəmizdəki 18 yaşdan yuxarı əhalinin hamısının peyvəndlənməsinə nail olacağıq”, - prezident vurğulayıb.