ABŞ-ın sabiq prezidenti Donald Tramp və köməkçiləri onun hakimiyyətinin son həftələrində Ədliyyə Nazirliyinə əsassız səs saxtakarlığı şikayətlərini araşdırması və seçkidəki məğlubiyyətini ləğv etmək üçün təzyiq göstərib. Vəzifəsindən ayrılmasından təxminən beş ay ötməsinə baxmayaraq, Tramp hələ də səsvermə pozuntuları ilə Ağ Evdəki dördillik müddətdən məhrum olduğunu iddia edir. Nümayəndələr Palatasının Nəzarət və İslahat Komitəsinin bildirdiyinə görə, vəzifədən getməzdən əvvəl Tramp Ağ Evin sabiq aparat rəhbəri Mark Midovs və özəl vəkil Kürt Olsen onlarla məhkəmə iddiasında rədd edilməsinə rəğmən, Ədliyyə Nazirliyini seçki qanun pozuntularını araşdırmağa çağırıblar. Ancaq Trampın prezidentliyinin son həftələrində Baş Prokuror vəzifəsini icra edən Ceffri Rozen tərəfindən idarə olunan agentlik Trampın irəli sürdüyü tələbləri rədd edib. "Bu sənədlər göstərir ki, Prezident Tramp məğlub olduğu seçkini ləğv etmək üçün aşkar şəkildə dövlətimizin baş hüquq-mühafizə orqanını ləkələməyə çalışıb" - deyə, Nyu Yorkun Demokrat Partiyası Komitəsinin sədri Karolin Maloni bildirib. Tramp artıq vəzifəsindən gedən Baş prokuror Vilyam Barrın 1 dekabr tarixində "bu günə qədər seçkidə fərqli bir nəticə verə biləcək miqyasda saxtakarlıq görmədik" qənaətinə gəlməsindən sonra da tələblər irəli sürüb. Barr dekabrın 23-də vəzifəsindən ayrılmış və yerinə baş prokurorun müavini olmuş Rozen gəlmişdi. Komitənin açıqladığı sənədlər göstərir ki, Tramp köməkçisi vasitəsilə Rozenə 14 dekabr tarixində federal hakimin öncədən rədd etdiyi iddia olsa da, Miçiqanın şimalında seçki saxtakarlığının olduğunu iddia edən sənədlərlə elektron poçt göndərib.