Şimali Koreyanın hakim partiyası daxili siyasətini yenidən inkişaf etdirmək istədiyi üçün lider Kim Çen Inın rəhbərliyi altında faktiki olaraq ikinci komandanlıq yaratmaq üçün qaydalara dəyişiklik edib. Bu barədə Cənubi Koreyanın Yonhap xəbər agentliyi yazıb. Şimali Koreya haqda məlumatı olan anonim mənbəyə istinad edən agentlik bildirib ki, yeni “birinci katib” vəzifəsini tutan şəxs Kimin adından iclaslara rəhbərlik edəcək. Kim yanvar ayında Koreya Fəhlə Partiyasının (WPK) qurultayında baş katib seçilərək rəhbərliyini möhkəmləndirmişdi. Bu vəzifəyə son olaraq onun mərhum atası Kim Çen İr sahib olmuşdu. Agentlik əlavə edib ki, Kim partiyanın hökumətdə atasının hərbi yönümlü rəhbərliyi ilə müqayisədə daha böyük rol oynamasını istəyir. "Kim Çen İr dövrünün əsas sözü olan "hərbi meylli siyasət" ifadəsi partiyanın nizamnaməsinin giriş hissəsindən çıxarıldığı bilinir" - deyə, məlumatda qeyd olunur. Cənubi Koreyanın Yunifikasiya Nazirliyinin bəyanatında yanvar görüşündən sonra Şimali Koreyada partiyanın yeni nizamnaməsinin açıqlandığını bildirilmişdi. Ancaq qonşu ölkə ilə əlaqələrə görə məsul olan nazirliyin təfərrüatları açıqlaya bilmədiyi bildirilir. Kim Çen In 2012-2016-cı illər arasında özünü “birinci katib” kimi təqdim edirdi. Yonhap bildirib ki, yeni vəzifə partiyanın yeddi katibi arasında ən yüksək postdur və siyasi büronun beş üzvlü rəyasət heyətinin üzvü olan Ço Yonq Von tərəfindən tutulacağı gözlənilir. Ço Kimin ən yaxın köməkçilərindən biri sayılır, onun rəyasət heyətinə təyin edilməsi dövlət mediası tərəfindən açıqlanıb. Yanvar iclası zamanı təhlilçilər onu Kim və Ali Xalq Məclisinin Daimi Komitəsinin sədri Çxve Ren Hedən sonra hökumətdə 3-cü dövlət məmuru olduğunu hesab edirdi.