İyunun 23-ü Rusiya Müdafiə Nazirliyi açıqlama yayıb ki, İngiltərəyə aid "HMS Defender" adlı döyüş gəmisi Rusiyanın sudan sərhədlərini pozduğu üçün xəbərdarlıq atəşi açılıb.

İngiltərə tərəfi isə ittihamları rədd edib və bildirib ki, gəmi beynəlxalq hüquqa uyğun olaraq Ukrayna sərhədləri daxilində hərəkət edib.

Bundan sonra Rusiya Müdafiə Nazirliyi video yayaraq, İngiltərə gəmisinin sərhədləri pozduğunu sübut etməyə çalışıb. Nazirlik bildirib ki, görüntülər gəmiyə atəş açılmazdan əvvəl Rusiyanın döyüş təyyarəsindən çəkilib.

Nazirlik bundan əlavə Pilotsuz Uçuş Aparatlarından (PUA) çəkilən görüntüləri də yayıb.