Dünyanın ən böyük üçüncü almazı Cənubi Afrika ölkəsi olan Botsvanada tapılıb.
Bu barədə botsvanalı almaz firması "Debswana" açıqlama yayıb.
Açıqlamaya görə, tədqiqatlardan sonra məlum olub ki, 1 iyunda tapılan 1098 karatlıq almaz öz sinfində dünyanın ən böyük üçüncü dəyərli daşıdır.
Bildirilib ki, tapılan almaz paytaxta gətirilərək ölkə başçısına da göstərilib: "Bu almaz mübarizə içində olan ölkəmizlə bağlı çox şeyi ifadə edir, yeni ümidlər verir", - deyə qeyd edilib.
Bu günə qədər isə dünyada tapılan ən böyük almaz 3106 karatlıq "Cullinan" almazı olub. Bu almaz da 1905-ci ildə Cənubi Afrika regionunda tapılıb.