Çexiya hökuməti rəsmi olaraq Rusiyadan 25.5 milyon avro dəyərində təzminat tələb edib. Bu barədə Çexiya KİV-i məlumat yayıb. Məlumata əsasən, Çexiya XİN başçısının müavini Martin Smolek Rusiyanın ölkədəki səfiri Aleksandr Zmeyevskiyə müvafiq nota təqdim edib. Bildirilib ki, təzminat tələbi 2014-cü ildə ölkənin Vrbetise kəndi yaxınlığındakı silah-sursat anbarlarındakı partlayış səbəbindən irəli sürülüb. Qeyd edək ki, Çexiya həmin partlayışda məhz Rusiyanı ittiham edərək, 88 rusiyalı diplomatı ölkədən xaric edib.