ABŞ və Rusiyada koronavirusa qarşı hazırlanan peyvəndlərin istehsal həcmini artırmaq üçün bu sahədə əqli mülkiyyət haqqlarının ləğv edilməsinin təklif edilməsi bir yandan peyvənd ixtiraçıları tərəfindən etirazla qarşılansa da, digər yandan hər kəs Ümumdünya Ticarət Təşkilatının son sözü deməsini gözləyir. Avropa İttifaqı yaxın həftələrdə Portuqalyada təşkil olunacaq zirvə toplantısında bu mövzunun ən yüksək səviyyədə müzakirə olunacağını bəyan edib. Zirvə toplantısında Ümumdünya Səhiyyə Təşkilatı və BMT-nin Elm, Təhsil və Mədəniyyət təşkilatı olan UNESCO kimi müxtəlif beynəlxalq qurumların nümayəndələri bir araya gələcək. Onlar peyvənd ədalətsizliyini aradan qaldırmaq üçün Vaşinqton və Moskvanın təkliflərini müzakirə edəcəklər. Koronavirusa qarşı peyvəndi hazırlayan şirkətlər patent haqqlarının ləğv edilərək başqa şirkətlərə də onların istehsallarına icazə verilməsinin bu sahədə araşdırma və innovasiya işlərinə zərər verəcəyini, həmçinin peyvəndlərin etibarlılığının aşağı düşəcəyini səbəb gətirərək təklifə etiraz edirlər.