Dünyanın ən çox vətəndaşı olan ölkəsi Çində artıq 3-cü uşağın dünyaya gətirilməsinə icazə verilib. Buna səbəb kimi yeni doğumların az olması göstərilib.
Əvvəllər Çində ailələr ən çox 2 uşaq dünyaya gətirə bilirdilər. Uşaq sayının 3-ə qaldırılmasına dair qərar Çin Xalq Respublikasının Sədri Si Cinpinin keçirdiyi iclasda qəbul olunub. Ancaq qərarın nə vaxt qüvvəyə minəcəyinə dair məlumat verilməyib. Çində demoqrafik vəziyyətə nəzarət etmək üçün 1970-ci illərdən bəri tək uşaq siyasəti həyata keçirilir. Ailələrin ikinci övlad sahibi olmasına icazə verilməsə də, son illər bu qayda dəyişdirilib. 2015-ci ildə bir ailənin iki uşaq sahibi olması üçün yeni bir tənzimləmə qəbul edilib. Bununla yanaşı, mütəxəssislər ölkə əhalisində azalmanın qarşısı alınacağı təqdirdə bu tənzimləmənin də ləğv edilməli olduğunu deyirlər.