Bu gündən Azərbaycanda xüsusi karantin rejiminin bəzi məhdudiyyətləri aradan qaldırılır. Bura açıq havada maska məcburiyyəti də daxildir. Qapalı məkanlarda maska istifadəsi isə mütləqdir.

Eyni zamanda, Bakı Metropolitenində də sərnişindaşıma fəaliyyəti bərpa edilib. Qərara əsasən, saat 06:00-dan metro sərnişinlərin istifadəsinə açıqdır. Metroda sərnişindaşıma fəaliyyəti ötən il oktyabrın 19-dan dayandırılmışdı.

Bununla yanaşı, Azərbaycanın şəhər və rayonlarından yerüstü və hava nəqliyyatı ilə sərnişin daşımaları bərpa edilib. Qərara əsasən, ölkənin şəhər və rayonlarından yerüstü və hava nəqliyyatı ilə sərnişin daşımaları bərpa edilib. Şəhər və rayonlara avtobusların gediş-gəlişi ötən il martın 29-dan dayandırılmışdı.

Qərarları Nazirlər Kabineti yanında Operativ Qərərgah verib.