Avropa Parlamenti Çinlə Aİ arasında imzalanmış investisiya sazişinin dondurulması barədə qərar qəbul edib. TASS xəbər verir ki, buna səbəb mart ayında rəsmi Pekin tərəfindən Avropa ölkələrinin analoji tədbirlərinə qarşı qəbul etdiyi cavab sanksiyaları olub. Sazişin dondurulmasını nəzər tutan qətnamə Avropa Parlamentinin Brüsseldə keçirilən plenar sessiyası zamanı təsdiq olunub. Sənədin lehinə 599, əleyhinə 30 deputat səs verib. 58 parlamentari isə bitərəf qalıb. Qeyd edək ki, sözügedən saziş Avropa ölkələrinə Çin bazarına daxil olmaq üçün geniş imkanlar açır.