Ukraynanın Korrupsiyaya Qarşı Milli Bürosu ölkənin ədliyyə naziri Denis Malyuska-ya qarşı cinayət işi qaldırıb. Bu haqda Ukryana mediası aprelin 19-u yazıb. Xəbərə görə ədliyyə naziri "Yeni Yanacaq Kompaniyası" adlı şirkəti və onunla bərabər 19 təsərrüfat şirkətini ələ keçirməkdə şübhəli bilinir. Nazir haqda şikayəti isə fevralın 19-da "Yeni Yanacaq Kompaniyası"nın direktoru edib. Müstəntiqlər ehtimal edir ki, Denis Malyuska-yla bərabər onun müavini Yevqeniy Qoroveç və nazirliyin bir neçə başqa əməkdaşı da mənimsəmə cinayətində iştirak ediblər. Denis Malyuska 2019-cu ildən bəri Ukraynanın ədliyyə naziridir.