İraqın şimalındakı Erbil beynəlxalq hava limanına raket hücumu olub. İlkin məlumatlara görə, hücum dron vasitəsilə həyata keçirilib.
İraq Kürd Regional İdarəsinin yaydığı məlumata görə, ən azı bir raket hava limanına düşüb. Açıqlamada qeyd olunub ki, ilkin istintaqdan sonra hücumun pilotsuz təyyarə ilə həyata keçirildiyi dəqiqləşib.
Məlumata görə, hücumun hədəfi ABŞ liderliyi altında beynəlxalq koalisiya qüvvələrinin yerləşdirildiyi hava limanın hərbi hissəsi olub. Hücum nəticəsində insan itkisi olmasa da infrastruktura bəzi ziyanlar dəyib.
Baş verən hücumla bağlı araşdırma aparılır.