Naxçıvan Muxtar Respublikasının (NMR) keçmiş təhsil naziri Məmməd Qəribov həbs edilib. Baş Prokurorluğun mətbuat xidməti məlumatı təsdiq edib. Cinayət işinin təfsilatı barədə məlumat verilmir. Qəribov 2016-2018-ci illərdə təhsil naziri vəzifəsində çalışıb. Həbsin prokurorluq tərəfindən həyata keçirildiyini nəzərə alsaq, söhbət ağır cinayətdən gedə bilər. Elə bu gün prokurorluq Naxçıvanın keçmiş DİN başçısı Əhməd Əhmədovun da həbsi haqqında məlumat yayıb.