Polis əməkdaşları işğaldan azad edilmiş ərazilərdə erməni silahlı qüvvələrinin geri çəkilərkən tərk etdikləri mövqelərdə silah və döyüş sursatları tapmağa davam edir. Belə ki, Azərbaycan Daxili İşlər Nazirliyinin məlumatına görə, Xocavənd rayonu ərazisində ermənilərin tərk etdiyi hərbi mövqelərdən 1 ədəd “İqla" zenit-raket kompleksi, 1 ədəd “Muxa” markalı tank əleyhinə qumbaraatan, 1 ədəd pulemyot, 1 ədəd avtomat, 6 ədəd əl qumbarası, 64 ədəd müxtəlif növ mərmilər, 19 ədəd avtomat darağı və 1100 ədəd müxtəlif çaplı güllələr aşkar edilib.