ABŞ Mərkəzi Kəşfiyyat İdarəsinin sabiq əməkdaşı Edvard Snoudenin vəkili Anatoli Kuçerena bildirib ki, Snoudenin sənədləri hazırdır və o yaxın zamanlarda Rusiya vətəndaşlığı üçün müraciət edəcək. 

37 yaşlı Snouden 2020-ci ildə həyat yoldaşının hamilə olduğunu və gələcək övladları ilə birlikdə Rusiya vətəndaşı olmaq istədiklərini açıqlamışdı.

Edvard Snouden 2014-cü ildə "Həqiqət uğrunda" nominasiyasında Ridenhour mükafatına layiq görülüb.

"Snowden-in addımı görünməmiş ictimai rezonansa səbəb olmaqla yanaşı vətəndaşların dövlət tərəfindən izlənməsi mövzusunda ictimai debatların başlamasına səbəb olub, lakin bu ona baha başa gəlib", mükafatın rəsmi saytında qeyd olunub.

Snouden 2013-cü ilin iyununda ABŞ və Böyük Britaniyanın xüsusi xidmətlərinin internetdə izləmə proqramlarına dair məxfi materialları Washington Post və Guardian qəzetlərinə ötürmüşdü. Sonra o, Honkonqa, daha sonra Moskvaya uçmuşdu.