Avropa dərman agentliyi koronavirusa qarşı daha bir peyvəndi, Johnson & Johnson peyvəndini təsdiqləyib. Johnson & Johnson peyvəndləri Avropa ərazisində istifadə olunacaq dördüncü peyvənddir. Deutsche Welle-nin məlumatına görə adı çəkilən peyvənd Janssen əczaçılıq şirkəti tərəfindən hazırlanıb və başqa peyvəndlərdən üstünlüyü odur ki, onun istifadəsi zamanı cəmi bir dozasının vurulması bəs edir. Avropa İttifaqı artıq Johnson & Johnson peyvəndindən 400 milyon doza sifariş verib. Johnson & Johnson peyvəndi ilə bağlı aparılan klinik araşdırmalar göstərir ki, peyvənd koronavirusa yoluxma riskini və xəstəliyin ağırlaşmasını vurulandan dörd həftə sonra 66 faiz azaldır.