Teslanın baş direktoru və dünyanın ən zəngin iş adamlarından biri olan İlon Mask şirkətdəki 5 milyard dollarlıq payını satıb. Satış Maskın Twitter-də 63 milyon izləyicisindən şirkətin səhmlərinin 10 faizini satıb-satmayacağı barədə soruşmasından bir neçə gün sonra baş verib. Anketdə səhmlərin satılmasına səs verildikdən sonra şirkətin səhmləri 16 faiz ucuzlaşıb. Tesla dünyanın ən bahalı avtomobil şirkətidir və dəyəri 1 trilyon dollardan çoxdur. Mask isə təxminən 4 milyard dollar dəyərində 3,6 milyon səhm satıb. Satış sənədlərində qeyd edilib ki, səhmlərin beşdə biri Twitter sorğusundan çox əvvəl əldə edilmiş biznes planına uyğun olaraq sentyabr ayında satılıb. Sorğuda 3,5 milyon insan iştirak edib və respondentlərin 58 faizi Maska öz səhmlərini satmağı deyib. https://twitter.com/elonmusk/status/1457064697782489088?ref_src=twsrc%5Etfw%7Ctwcamp%5Etweetembed%7Ctwterm%5E1457064697782489088%7Ctwgr%5E%7Ctwcon%5Es1_&ref_url=https%3A%2F%2Fwww.bbc.com%2Fturkce%2Fhaberler-dunya-59244078 Sorğu ilə Mask əslində ABŞ-da bəzi Demokratlar Partiyasının siyasətçiləri tərəfindən irəli sürülən "milyarder vergisi" təklifinə qarşı çıxırdı. Tesla-nın icraçı direktoru Mask şirkətdə 200 milyard dollardan çox dəyərində paya sahibdir. Gələn il üçün nəzərdə tutulan yeni əməliyyatlarla bu varidatın daha da artacağı təxmin edilir. Lakin təklif olunan qanun qəbul olunarsa, bu, Mask üçün çox ciddi vergi ödəməsi demək olacaq.