Alman tənzimləyicisi “Şimal axını 2” layihəsinin sertifikatlaşdırılmasının dayandırıldığını elan etdikdən sonra TTF qovşağında qaz fyuçerslərinin qiyməti təxminən 6 faiz artıb. Hər min kubmetrin qiyməti 1048 dollar artıb. “Almaniya Federal Şəbəkə Agentliyi təşkilati və hüquqi məsələlərə görə “Şimal axını 2”-nin (Nord Stream 2 AG) müstəqil nəqliyyat operatoru kimi sertifikatlaşdırılmasını dayandırıb", bu barədə TASS tənzimləyicinin məlumatına istinadən xəbər verib. “Sənədlərin yoxlaması nəticəsində agentlik belə qənaətə gəlib ki, “Şimal axını 2” boru kəmərinin operatorunun sertifikatlaşdırılmasına yalnız operatorun Almaniya qanunvericiliyinə uyğun hüquqi formaya malik olması halında baxıla bilər”, məlumatda deyilir. Baş ofisi İsveçrənin Zuq şəhərində yerləşən operator alman seqmentinin kapitalını Almaniyanın törəmə müəssisəsinə köçürdükdə sertifikatlaşdırma prosesi bərpa olunacaq. Agentlik Almaniyanın İqtisadiyyat və Energetika Nazirliyini və Avropa Komissiyasının nümayəndələrini qərarla bağlı məlumatlandırıb. https://twitter.com/bnetza/status/1460546267415724032?ref_src=twsrc%5Etfw%7Ctwcamp%5Etweetembed%7Ctwterm%5E1460546267415724032%7Ctwgr%5E%7Ctwcon%5Es1_&ref_url=https%3A%2F%2Fru.euronews.com%2F2021%2F11%2F16%2Fgas-price-nordstream2-ppp “Şimal axını 2”-nin tikintisi ABŞ-ın sanksiyaları səbəbindən təxminən iki il sonra, bu il sentyabrın 10-da tam başa çatıb. Qaz kəmərini işə salmaq üçün müstəqil nəqliyyat operatoru kimi qeydiyyatdan keçmək lazımdır. Almaniyanın Federal Şəbəkə Agentliyi qazın vurulmasına qadağa qoya bilməz, lakin iş qeydiyyatdan əvvəl başlasa, operator cərimələnəcək. Aİ-nin Qaz Direktivinə uyğun olmaq üçün qeydiyyat tələb olunur.