İranın xarici işlər naziri Məhəmməd Cavad Zərif sabah-yanvarın 29-da Türkiyəyə səfər edəcək.

Bu barədə Türkiyənin Xarici İşlər Nazirliyi məlumat yayıb.

Səfər çərçivəsində ikitərəfli münasibətlərin geniş şəkildə müzakirə edilməsi, regional və beynəlxalq proseslər haqqında fikir mübadiləsinin aparılması gözlənilir.

İran XİN başçısı regional tur çərçivəsində daha öncə Azərbaycan, Rusiya və Ermənistanda səfərdə olub. O, hazırda Gürcüstanda səfərdədir. Məhəmməd Cavad Zərif səfər çərçivəsində Gürcüstan prezidenti Salome Zurabişvili, baş nazir Giorgi Qaxariya və parlament sədri Arçil Talakvadze ilə görüşəcək.