Gürcüstanın keçmiş baş naziri və keçmiş daxili işlər naziri Vano Merabişvili 6 il  9 aylıq həbsdən sonra azadlığa çıxıb. O deyib ki, həbsdə hakimiyyətlə heç bir danışıq aparmayıb və hakimiyyət üçün heç bir güzəştə getməyib. Merabişvili yaxınlarına və tərəfdarlarına təşəkkürlər edib və bildirib ki, indiki gürcü hakimiyyəti ilə axıra qədər mübarizə edəcək. “Dəstəyin sayəsində mən bu il bu rejimin devrilməsi üçün mübarizəyə özümdə güc, enerji, ümid və əminlik saxlamışam. Zəmanət verirəm ki, bu hakimiyyət bir ildən sonra bitəcək”. V.Merabişvili hansı siyasi partiyaya qoşulacağı ilə bağlı açıqlama verməyib.