Rusiya Ermənistan və Azərbaycanla Qarabağla əlaqədar kontaktdadır və ümid edir ki, sülh yolu ilə hamını qane edəcək nəticələrə nail olmaq mümkün olacaq.

RİA Novosti xəbər verir ki, bu barədə Rusiya prezidenti Vladimir Putin noyabrın 4-də dini konfessiyaların nümayəndələri ilə videokonfransda bildirib.

Putin qeyd edib ki, Rusiya tərəfi Qarabağda münaqişənin başa çatması üçün əlindən gələni edir və edəcək. “Hər halda, biz Ermənistanla da, Azərbaycanla da kontaktdayıq. Ümid edirəm ki, biz nəticə əldə edə biləcəyik, həm də regionda yaşayan bütün insanları qane edəcək əsasda”, - Rusiya prezidenti deyib.