Moldova Mərkəzi Seçki Komissiyası prezident seçkilərinin ikinci turunda səsvermə bülletenlərinin 97 faizinin nəticələrini açıqlayıb.

Prezidentliyə namizəd, Moldovanın keçmiş Baş naziri Maya Sandu 56,64 (824 min səs) faiz səslə qalib gəlir. Hazırki prezident İqor Dodon isə 45,36 (684 min) faiz səs toplaya bilib.

Beləliklə, rəqiblər arasındakı fərq 11 faizi ötüb və ya təxminən 140 min səs təşkil edib.

Maya Sandu ilkin nəticələr elan olunandan sonra ilk açıqlamasını verib. O, bildirib ki, söz verdiklərini həyata keçirmək üçün çox işi var.

"Səs verməyə gələn və bizə inanan bütün insanlara təşəkkür edirəm. Birgə cəmiyyətə ehtiyacımız var. Bizi birləşdirən bir şeyə ehtiyacımız var. Seçkilərdən sonra etməli olduğumuz ilk şey budur. İnsanları qoruyacaq və onlara qayğı göstərəcək dövlət qurmaq lazımdır" - deyə, o bildirib.