Böyük Britaniyanın baş naziri Boris Conson koronavirusa yoluxmuş şəxslə təmasdan sonra özünü təcrid edib.

Bu barədə “Daily Mail” məlumat yayıb.

Belə ki, siyasətçi 12 noyabr tarixində bir qrup millət vəkili ilə görüşüb. Daha sonra həmin millət vəkillərindən biri, Li Andersonda koronavirus aşkarlanıb.

Baş nazir özünü yaxşı hiss etdiyini və COVID-19 əlamətlərinin olmadığını söyləyib. O, məsafədən işləyəcəyini də əlavə edib.

Qeyd edək ki, Böyük Britaniyanın baş naziri Boris Conson artıq bir dəfə yeni növ koronavius infeksiyasına yoluxub.