Birləşmiş Ərəb Əmirliklərində alkoqol istehlakını, intihar cəhdini və cütlüklərin nikahsız birgəyaşayışını qadağan edən qanunlar aradan qaldırılıb.
Xəbəri "RİA Novosti" yayıb.
BƏƏ-də artıq 21 yaşdan yuxarı şəxslərin fərdi qaydada, yaxud müəyyən ictimai yerlərdə alqokol istehlakına icazə veriləcək.
Bundan əvvəl ölkədə ancaq 21 yaşdan yuxarı və qeyri-müsəlman turistlərə və əcnəbilərə alkoqol satışına icazə verilirdi.
Bunlardan savayı, BƏƏ-də qadınlara qarşı qısnamaya görə cəzalar sərtləşdirilib.
İntihara cəhdinə və nigahsız birgəyaşayışa dair cinayət məsuliyyəti nəzərdə tutulan qanunlara dəyişikliklər edilib. Həmçinin namusu qorumaq məqsədiylə mövcud olan maddə də ləğv edilib.
