Rayonlarda həkim çatışmazlığından şikayətlər var. Xüsusilə mütəxəssis qıtlığı olduğu deyilir. “Təmir olunmuş xəstəxanamız var. Avadanlıqlar da yerləşdirilib. Amma bu xəstəxanada hər sahə üzrə həkim tapmaq müşkül məsələyə dönüb. Elə xəstəliklər var ki, onun həkimini rayon yerində tapmaq çətindir. Üz tuturuq Bakıya. Karantindən əvvəl ( Martın 24-dən Azərbaycanda koronavirusla bağlı karantin elan edilib) ən çox İrana gedirdilər. Buna pul və vaxt gedir. ”

“Rayona işləməyə gələn həkimin kirayə pulunu dövlət verə bilər”

Bunu Astara şəhər sakini Həsənağa Məmmədov deyib. O, sözünə davam edərək qeyd edib ki, həkimləri rayon yerlərinə cəlb etmək üçün dövlətin güzəştləri olmalıdır: “Məsələn, rayona işləməyə gələn həkimin kirayə pulunu dövlət verə bilər.Rayonlardan tibbi sahə üzrə təhsil almağa gedənlərə güzəştlər nəzərdə tutulmalıdır ki, onlar təhslini başa vurduqdan sonra yenidən evlərinə, kəndlərinə qayıtsınlar ”

“Rayonda işləməyə razılıq verənlər təhsil haqqından azad olsalar...” Astara şəhər sakini, 3 saylı tam orta məktəbin məzunu Nərmin Abbasova da deyib ki, Azərbaycan Tibb Universitetində ödəmlər yüksəkdir: “Məqsədim Tibb Universitetinə daxil olmaq idi. Bitirəndən sonra rayona qayıtmaq fikrim var idi. Alınmadı. Orda təhsil haqqı yüksəkdir. Təhsil haqqı yüksək olduğuna görə, başqa ali məktəbi seçdim.Rayonda işləməyə razılıq verənlər təhsil haqqından azad olsalar, yaxşı olardı. Onda gənc həkimlər işləməyə ucqar yerlərə gedərdilər. ” Astara rayon Mərkəzi Xəstəxanasının baş həkmi Oqtay Əmənullyev da bildirib ki, yerlərdə həkim çatışmazlığı var:

“ Vakant yerlərimiz var”

“Vakant yerlərimiz var. Elə sahələr var ki, ştat yoxdur. USM ( ulturasəs müayinə) həkmini kursa göndərmişik.Təki həkim olsun, gəlsin işləsin.Astaralı həkim yoxdur, işlərimiz ləngiyir. Burda xəstəxana ola-ola nə üçün xəstəni göndərməliyik digər yerlərə? Elə xəstələr var ki,Lənkəran xəstəxanasına çatdırına qədər yolda ölür. Belə hallar ola bilər. Xidmətin səviyyəsini daha da qaldırmaq istəyirik.”

O hesab edir ki, həkimlərin yaşayış səviyyəsi daha da yüksəldilməlidir: “Astara rayonu balaca yerdir. Lənkəran xəstəxanasında aparıcı həkimlər astaralılardır. Hamsı qacır mərkəzə. Hazırda xəstəxana karantindədir. Açılan kimi 7-8 həkim nöbədədir, işə götürüləcəklər. Rusiyada işləyən astaralı həkimlər var. Onların yaxınları ilə danışmışam, dəvət eləmişəm, burda işləməyə. Məqsədimiz var, 6-7 aya ərzində xəstəxanaya 10-15 yeni həkim işə götürüləcək.”

“Qonşu ölkələrdən də geri qalırıq”

Cəlilabad rayon xəstəxanasının adının çəkilməsini istəməyən bir həkimi də ucqar yerlərdə mütəxəssis çatışmazlığı olduğunu söyləyir. Onun deməsinə görə, Cəlilabad rayonunda da mütəxəssis qıtlığı var: “Tibb universitetini bitirənlər ucqar yerlərə işləməyə getmirlər.Bunun başlıca səbəbi də həkimlərin əmək haqqlarının aşağı olmasıdır.Bu baxımdan qonşu ölkələrdən də geri qalırıq. Əhalinin də vəziyyəti yaxşı deyil. Dolanışıqdan ötrü bəzi həkimlərin dərman firmaları ilə iş birliyi heç kimə sirr deyil. Həkim geridə qalan kənd yerlərinə işləməyə getmir.Kəndlərdə işıq, qaz,yol problemi var.Üstəlik, kirayə haqqı.Bütün bunlar həkimin yaşayışını ağırlaşdırır.Bu baxımdan da həkimin maaşı arıtırılmalıdır.”

“Təyinat olsa vəziyyət düzələr ”

Lerik rayon İcra Hakimiyyəti başçısının müavini Habil Məlikov-un fikrincə qeyd edilən məsələni həll etmək mümkündür: “Bizdə həkim çatışmazlığı çox problemdir. Müəllim çatışmazlığı var idi, həll olundu. Dövlət qərar qəbul etdi, təyinatlar oldu.Həkimdə isə problem qalır. Əvvəllər həkimlərin işləməsi üçün yaş həddi yox idi. Sonra keçdilər 70 yaşa. O da indi dayandırldı. Həkimlər 65 yaşdan sonra müqavilə ilə 70 yaşa kimi işləyə bilirlər. Həkimliyə təzə gələnləri barmaqla saymaq olar.”

Müavin daha sonra deyib:

“Həkmilər özəl şirkətlərdə işləməyə üstünlük verirlər.Həmin yerlərdə maaş yüksəkdir.TƏBİB (Tibbi Ərazi Bölmələrini İdarəetmə Birliyi) yaranandan sonra həkimlərin əmək haqlarında müsbət mənada böyük dəyişiklik oldu. Elə xəstəlik var ki, o sahə üzrə ümumiyyətlə həkim yoxdur.Dəri-zöhrəvi həkim yoxdur, stomatolqun yaşı keçib.Cərha yoxdur.Lerik dağ rayonudur.Son illərdə şərait son dərəcə yaxşılaşıb. Mərkəzi xəstəxana təmir olunub.Uşaq poliklinkası Yaponya səfirliyinin köməyi ilə əla vəziyyətə gətirilib. Kəndlərdə yeni tibb məntəqləri tikilib.Əvvəlki illərə nisbətən əksər kəndlərə asfalt yol, qaz çəkilib” Onun fikrincə, bütün bunlara baxamayaraq təyinat olmaldır: “Tibb universitetini bitirmiş şəxslər heç olmasa 2 il rayonda işləsinlər. Sovet dövründə Lerikə təyinatla gəlmiş həkimlərin çoxu burda ailə qurub, uşaqları, nəvələri var. Təyinat olsa vəziyyət nisbətən düzələr.”