2019-cu ilin yanvar-iyun aylarında Gürcüstanı 622,8 min Azərbaycan vətəndaşı ziyarət edib. Bu haqda Gürcüstan mediası ölkənin Milli Turizm Administrasiyasına istinadən xəbər verir. Bu göstərici ilə Azərbaycan ikinci sırada yer alır. Belə ki, Gürcüstana ən çox səfər edənlər arasında liderlik Rusiyaya məxsusdur. 6 ayda ölkəni 691,6 min rus turist ziyarət edib. Üçüncü pillədə Ermənistan (531 min), 4-cü pillədə Türkiyə (499,6 min) və 5-ci pillədə Ukrayna (82,8 min) yer alıb. Ümumilikdə, 6 ayda Gürcüstanı 3 milyon 862 min 40 turist ziyarət edib. Bu ötən illə müqayisədə 8,4% çoxdur.