Gürcüstan bu ildən "Avropa ali təhsilin keyfiyyəti qarantiyası asossasiyası"na (ENQA) üzv olub və bundan sonra Gürcüstanda alınan ali məktəb diplomları bütün Avropada tanınacaq.

Abzas xəbər verir ki, haqda Gürcüstanın təhsil, elm, mədəniyyət və idman nazirliyinin mətbuat katibliyi məlumat yayıb.

Məlumatda deyilir ki, Gürcüstan "ENQA" təşkilatına üzvlüklə bağlı fevral ayında müraciət edib. Asossasiyanın doqquzuncu qurultayı bu il aprelin 25-də Estoniyada baş tutub.

Gürcüstanın təşkilata üzvlüyü də elə burda müzakirə olunub. Bir neçə texniki prosedurdan sonra Gürcüstanın artıq təşkilata tam hüquqlu üzv olacağı gözlənilir. Bu 2019-cu ilin payızında baş tutacaq.

Gürcüstanın təhsil naziri Mixail Batiaşvili bildirib ki, "Avropa ali təhsilin keyfiyyəti qarantiyası asossasiyası" Avropada təhsilin səviyyəsini yüksəltməyə xidmət edən əsas təşkilatlardan biridir.

"Bu təşkilata üzvlük o deməkdir ki, artıq Gürcüstan universitetlərinin dəyərləndirilməsi üçün Avropa standartları və prosedurlarından istifadə ediləcək. Gələcəkdə gürcü milli təhsil sistemi beynəlxalq sistemlə inteqrasiya ediləcək, gürcü universitetlərinin rəqabətliliyi artırılacaq və beynəlxalq səviyyədə tanınmağa başlayacaq".

Nazir bu uzun və zəhmət tələb edən prossesdə onlara yardımçı olan hər kəsə minnətdarlığini bildirib.