Aksiyaçıların tələbləri arasında Azərbaycan hakimiyyətinin istefası da var.

Fevralın 21-də Avropada yaşayan bir qrup mühacir Almaniyanın Nürinberq şəhərində yerləşən BMT-nin ofisinin qarşısına toplaşıblar.

Bu barədə Meydan TV-yə məlumat verən aksiya iştirakçılarının sözlərinə görə, onlar siyasi fəaliyyətlərinə görə həbs olunanların azad edilməsini, Azərbaycan hakimiyyətinin istefasını tələb edirlər.

Aksiyada 50-yə yaxın müxalif partiyaların üzvləri, müstəqil şəxslər və jurnalistlər iştirak edir.

Fevralın 20-də vətəndaş cəmiyyətinin siyasi məhbusların siyahısının hazırlanması üzrə İşçi Qrupu yeni hesabatı açıqlayıb. Sənədə 127 məhbusun adı daxil edilib.