Hər il keçirilən ənənəvi “Oskar” film mükafatları bu il də sahiblərinə paylanıb. Bu il ən yaxşı film nominasiyasında oskarı mükafat Piter Farellinin “Yaşıl kitab” (“Green book”) filminə veriblər.
Ən yaxşı əcnəbi film nominasiyasında mükafata isə Alfonso Kuaronun “Roma” filmi layiq görülüb.
Mükafatlandırma mərasimi fevralın 24-ü, bazar günü gecə baş tutub.
Amerika film akademiyasının rəsmi mükafatı sayılan “Oskar” bu il caz pianoçusu Don Şirli və onun sürücüsü Toni Vallenloqun haqqında bioqrafik-komediya həm də dram janrında çəkilmiş filmə verilib.
“Yaşıl kitab” filmi ən yaxşı film adına beş nominasiyanın 3-ünü qazanaraq layiq görülüb.
[caption id="attachment_74903" align="aligncenter" width="710"]
Piter Farellinin caz pianisti və onun sürücüsü haqda "Yaşıl kitab" filmi bu ilin ən yaxşı filmi seçildi.[/caption]
Meksikalı Alfons Kuaronun çəkdiyi “Roma” filmi isə ən yaxşı rejissor işi nominasiyasında, ən yaxşı əcnəbi filmi olaraq qalib gəlib.
1970-ci illərdə bir meksikalı ailənin faciəvi taleyindən bəhs edən film, həm də ən yaxşı operator işi nominasiyasında da qalib gəlib. “Roma” ümumən 10 nominasiyada festivalın qalibidir.
Ən yaxşı baş rol ifaçıları Oliviya Kolman və Rami Malikdir
Builki festivalın ən yaxşı qadın rolu ifaçısı Oliviya Kolman olub. O XVII əsr İngiltərəsi haqda tarixi film olan “Favoritka”da siyasi intiriqalarıyla məşhur Britaniya kraliçası Annanın rolunu oynayır.
[caption id="attachment_74904" align="aligncenter" width="945"]
Ərəb əsilli aktyor Rami Malik "Bohemia Rapsodiyası" filmində yaratdığı Fredi Merkuri roluna görə "Oskar" alıb.[/caption]
Ən yaxşı baş rolun kişi ifaçısı isə Rami Malikdir. O “Bohemiya rapsodiyası” filmində əfsanəvi Queen qrupunun solisti Freddi Mekurinin rolunu oynayıb.
Bu film də festivalın ən çox mükafatlarını qazanmış filmlər arasındadır. Bundan başqa həmin film ən yaxşı montaj işi, ən yaxşı səs və ən yaxşı səs montajı üzrə mükafatlarını da qazanıb.
Yeri gəlmişkən bu ilki Amerika Film Akademiyası mükafatlarının təqdimat mərasimi Adam Lambertin ifasında Queen qrupunun mahnıları "We are the champions" və "We will rock you" ilə açılıb.
