Nyu-Yorkun keçmiş meri Maykl Blumberq rəsmi olaraq ABŞ prezidenti postuna namizədliyini verəcəyini bəyan edib. O bu posta Demokratlar partiyasından müraciət edəcək. O deyib ki: "Mən bu prezidentlik yarışmasına girib Donald Trampa qalib gələcəyəm və Amerikanı bərpa edəcəyəm". "Bundan sonra 4 il də prezident Trampın görünməmiş əxlaqsız hərəkətlərinə dözə bilərik" - deyə 77 yaşlı mediamaqnatı Blumberq bildirib. O Trampı Amerikaya və Amerika dəyərlərinə təhdid adlandırıb. Blumberqin fikrincə Trampın yenidən seçilməsi onun ABŞ-a vurduğu zərərləri dərinləşdirə bilər. Qeyd edək ki, Blumberq də Tramp kimi milyarderdik. Onun şəxsi varidatı 50 milyard dollardır. O 2001-2013-cü illər arası Nyu-Yorkun meri olub, əvvəl bu posta Respublikaçılar partiyasından seçilsə də, sonra müstəqil namizəd kimi seçilib. O 2018-ci ildə Demokrat partiyasına keçib. Bu yaxınlarda keçirilmiş sorğulara görə ABŞ prezidentinin postuna ən real namizəd keçmiş vitse prezident Co Bydendir. Ondan sonra Elizabet Uorren və Berni Sanders gəlir.