İranda sərt iqtisadi tədbirlər nəticəsində 2018-ci ildə 66 740 dövlət məmuru işdən azad edilib.

Bu barədə İSNA agentliyi xəbər yayıb. Məlumatda deyilir ki, İranın Milli Təhsil Nazirliyi də daxil olmaqla 14 nazirliyin əməkdaşı ixtisar edilib. Ən çox ixtisar Təhsil Nazirliyində olub. Bu qurumun 35 min əməkdaşı işdən azad edilib.

Neft Nazirliyində 8 min, Dağ-Mədən Sənayesi və Ticarət Nazirliyindən 7654 məmur işdən çıxarılıb.

Məmurların işdən azad edilməsi üçün tətbiq edilən meyarlar məlum deyil.