Türkiyə Silahlı Qüvvələrinin uğurlu əməliyyatları nəticəsində terror təşkilatı PKK-ya son 9 ayda çox ağır zərbə vurulub. Avropa.info Anadolu Agentliyinə istinadən xəbər verir ki, Ərzurum, Ərzincan, Tunceli, Ağrı, Qars, Van, Muş, Bitlis, Hakkari və Bingöldə keçirilən əməliyyatlarda 6-sı qırmızı kateqoriyalı olmaqla 307 terrorçu zərərsizləşdirilib. Məlumatda bildirilir ki, Türk Silahlı Qüvvələri , Polis Baş İdarəsi , Jandarm Ümumi Komandanlığı və Milli Kəşfiyyat Təşkilatının dəstəyilə ölkənin əmin-amanlığını pozmağa çalışan, körpələri belə hədəf almaqdan çəkinməyən terror təşkilatlarına qarşı amansız təqib və əməliyyatlarını qətiyyətlə davam etdirir.