Azərbaycanda sabaha olan hava proqnozu açıqlanıb.

Bu barədə Ekologiya və Təbii Sərvətlər Nazirliyinin (ETSN) Milli Hidrometeorologiya Departamenti məlumat verib.

İyulun 7-də Bakı və Abşeron yarımadasında havanın yağmursuz keçəcəyi bildirilir. Güclü şimal-qərb küləyinin əsəcəyi təxmin edilir.

Abşeronda gecə 23-25, gündüz 28-33, Bakıda gecə 23-25, gündüz 29-31 dərəcə isti olacaq.

Azərbaycanın əksər rayonlarında da hava şəraitinin yağmursuz keçəcəyi gözlənir. Lakin bəzi şimal və qərb rayonlarında şimşək çaxacağı, yağış yağacağı, ayrı-ayrı yerlərdə yağışın leysana keçəcəyi, dolu düşəcəyi ehtimalı var.

Gecə 21-26, gündüz 35-40, dağlarda gecə 15-20, gündüz 23-28 dərəcə isti təxmin edilir.