Türkmanların yaşadığı Kərkükdə bu gün ardıcıl üç partlayış baş verib İraqın şimalında, Kərkük şəhərində ardıcıl üç güclü partlayış baş verib. Xəbərə görə, partlayışlar Kərkükün mərkəzində, Bağdada gedən yolda və şəhərin Dümeyz rayonunda qeydə alınıb. İlkin məlumata əsasən, hadisə nəticəsində 8 nəfər xəsarət alıb, onlardan ikisinin vəziyyəti ağır kimi qiymətləndirilir. Partlayışlara görə məsuliyyəti hələ ki, heç bir qruplaşma öz üzərinə götürməyib.