Aprelin 30-da minlərlə adam Moskvanın mərkəzində nümayişi çıxıb, hökumətin Telegram mobil mesajlaşma əlavəsini bloklamaq cəhdlərinə etiraz edib.
Etirazçılar “(Prezident Vladimir) Putin yalançıdır!” şüarını səsləndiriblər.
Onlar əllərindəki plakatlarda hökuməti Telegram-ı bağlamaq cəhdlərini dayandırmağa çağırıblar.
NALAVNY-YƏ XƏBƏRDARLIQ OLUNUB
Libertarian partiyasının rəhbəri Sergei Boiko etirazçılara rəhbərlik edib. Onlar “İnternetə senzuranı dayandırın!” tələbini irəli sürüblər.
Polis Navalny-ni qısa müddətə saxlayıb, ona xəbərdarlıq edib ki, “toplantının gündəminə uyğun olmayan bəyanat və hərəkətlərdən çəkinsin”. Yürüş hakimiyyətin icazəsilə keçirilib.
Navalny AzadlıqRadiosu-na deyib ki, Moskva meriyası yürüşə icazə verdiyinə görə xoşbəxtdir.
O, jurnalistlərə söyləyib ki, nümayişçiləri mayın 5-nə, Putin-in andiçmə mərasimindən iki gün öncəyə təyin etdiyi etiraza qoşulmağa çağıracaq.
Navalny “O, çar deyil!” adlandırdığı yürüşə icazə almayıb.
Telegram-ı bağlamaq cəhdləri hökumətin narazıları susdurmağa çalışması sarıdan narahatlıqları artırıb. 1999-cu ildən ya prezident, ya da baş nazir postunda olmuş Putin daha altı illiyə ölkə başçısı seçilib.
***
Rusiyada Telegram mobil mesajlaşma əlavəsinin bloklanlanmasına etiraz olaraq aprelin 30-da Moskvada yürüş başlayıb.
Müxalif siyasətçi Aleksei Navalny minlərlə etirazçı arasındadır.
Yürüşü Rusiya Libertarian Partiyası təşkil edir. Partiya Telegram-ın bloklanmasını “milli utanc” adlandırıb.
Partiya vebsaytında bütün iştirakçıları özləriylə Telegram-ın loqosu olan kağız təyyarə gətirmələrini istəyib.
Aprelin 16-da mediaya nəzarət edən dövlət qurumu olan Roskomnadzor Telegram-ın bloklanmasıyla bağlı məhkəmə qərarının icrasına başlayıb. Telegram istifadəçilərin yazışmalarının şifrə kodunu Federal Təhlükəsizlik Xidmətinə (FSB) vermədiyinə görə bu qadağaya məruz qalıb. O vaxtdan Telegram tərəfdarları mənzillərindən, ya da FSB-nin Moskvadakı qərargahına kağız təyyarələr atmaqla etirazlarını bildiriblər.
Telegram istifadəçilərin gizliliyinin qorunmasıyla bağlı narahatlığını əsas gətirib, ancaq qadağaya baxmayaraq əlavənin işləyəcəyini bildirib.
Moskva meriyası yürüşə icazə verməyib.
