Azərbaycanda sabaha olan hava proqnozu açıqlanıb.

Bu barədə Ekologiya və Təbii Sərvətlər Nazirliyinin (ETSN) Milli Hidrometeorologiya Departamenti məlumat verib.

Aprelin 14-də Bakı və Abşeron yarımadasında bəzi yerlərdə yağış yağacağı bildirilir. Şimal-qərb küləyinin əsəcəyi, arabir güclənəcəyi təxmin edilir.

Abşeronda gecə 7-9, gündüz 12-15, Bakıda gecə 7-9, gündüz 12-14 dərəcə isti olacaq.

Aprelin 14-də Azərbaycanın bəzi rayonlarında da şimşək çaxacağı, arabir yağış, dağlıq ərazilərdə qar yağacağı vurğulanır. Yağışın ayrı-ayrı yerlərdə leysana çevriləcəyi ehtimal edilir. Qərb küləyinin əsəcəyi, bəzi yerlərdə arabir güclənəcəyi gözlənir. Gecə 6-11, gündüz 13-18, dağlarda gecə 1-6, gündüz 7-12 dərəcə isti təxmin edilir .