Azərbaycanda sabaha olan hava proqnozu açıqlanıb.

Bu barədə Ekologiya və Təbii Sərvətlər Nazirliyinin (ETSN) Milli Hidrometeorologiya Departamenti məlumat verib.

Aprelin 21-də Bakı və Abşeron yarımadasında bəzi yerlərdə arabir yağış yağacağı bildirilir. Arabir güclənən şimal-qərb küləyinin əsəcəyi vurğulanır.

Abşeronda gecə 7-9, gündüz 11-14, Bakıda gecə 7-9, gündüz 12-14 dərəcə isti olacaq.

Aprelin 21-də Azərbaycanın rayonlarında da arabir yağış, dağlıq ərazilərdə qar yağacağı, dolu düşəcəyi gözlənir. Gecə 5-10, gündüz 12-17 dərəcə isti, dağlarda gecə 0-5 dərəcə şaxta, gündüz 0-5 dərəcə isti təxmin edilir.