Ermənistanın müxalif millət vəkili Nikol Paşinyan hökumətlə dialoq çağırışını rədd edib və bir daha Serj Sarkisyanın baş nazir vəzifəsindən istefasını tələb edib.

O aprelin 20-də keçirilən mitinq zamanı deyib: “Dialoq üçün artıq gecdir... amma bu o demək deyildir ki, biz hər hansı müzakirəyə hazır deyilik. Biz əlbəttə, Sarkisyanın istefa vaxtını və bu xüsusda müəyyən şərtləri müzakirə etməyə hazırıq. Biz qisas və intiqam istəmirik. Əgər Serj Sarkisyan mümkün qədər tez istefa versə, bu, onun və Ermənsitan Respublikasının xeyrinə olar”.

***

Ermənistan paytaxtından alınan ən son xəbərlərə görə polis anti-Sarkisyan etirazlarının səkkizinci günündə 180-dən çox nümayişçini həbs edib.